Logo
११ कार्तिक २०७७
(Tuesday 27th October 2020)

सिरहामा डिएपी रासायनिक मलको अभाव



काठमाडौं । सिरहामा डिएपी रासायनिक मलको अभाव भएको छ ।

कृषि सामाग्री कम्पनी केन्द्रीय कार्यालयबाट आवश्यक मात्रामा मल नआउँदा सिरहामा डिएपी मलको अभाव भएको कृषि सामग्री कम्पनी लिमिटेड लहानले जनाएको छ ।
मलखाद्यको माग बढे पनि लामो समयदेखि आपूर्ति नहुँदा मलको अभाव भएको हो । डिएपी मलको अभाव भए पनि युरिया मल पर्याप्त रहेको कम्पनीले जनाएको छ ।

डिएपी मलको अभावकै बीच कृषि सामाग्री कम्पनी लिमिटेड लहानले मलखाद्य वितरण शुरु गरेको छ । विभिन्न स्थानीय तहमा रहेको डिलर सहकारी संस्थालाई युरिया र डिएपी मल वितरण गर्न शुरु गरेको हो ।

डिलर रहेका सहकारी संस्थामार्फत कृषि सामग्री कम्पनीले गाउँगाउँका किसानलाई मलखाद्य बिक्री वितरण गर्दै आएको छ ।

प्रतिक्रिया दिनुहोस्