Logo
११ कार्तिक २०७७
(Tuesday 27th October 2020)

विद्यालयका विद्यार्थी बेहोस पठनपाठन नै बन्द



रोल्पा नगरपालिका २ को एक विद्यालयका विद्यार्थी बेहोस हुने क्रम बढ्न थालेपछि केही दिनका लागि विद्यालयको पठनपाठन नै बन्द गरिएको छ । सदरमुकाम लिवाङमा रहेको पिताराज आधारभूत विद्यालय रेउघाका विद्यार्थी विद्यालय समयमा काप्ने, मुर्छा पर्ने, चिच्याउने तथा रुने कराउने गर्न थालेपछि विद्यालय नै बन्द  गरिएको हो ।


विगत एक महिना यतादेखि विद्यार्थीहरुमा उक्त समस्या देखिन थालेको विद्यालयले जनाएको छ । शुरुमा कक्षा ७ का छात्राहरुमा यो समस्या देखियो– विद्यालयका प्रधानाध्यापक लिला आचार्यले भनिन्, पछि दैनिक ५÷६ जना विरामी पर्न थाले पछि सामान्य तनाव व्यवस्थापनको कक्षा सञ्चालन पनि गरियो तर समस्या हल भएन ।


समस्या हल हुनुको साटो वृद्धी भई दैनिक १५/२० जना विरामी पर्न थाले संगै विद्यालय वन्द गर्न वाध्य भएका हौ प्रधानाध्यापक  आचार्यले बताइन् । 
विरामीका अभिभावक तथा अन्य अभिभावकले समेत केही दिनका लागि विद्यालय बन्द गर्न आग्रह गरेकाले माघ २२ देखि २५ गते सम्म विद्यालय बन्द गरिएको विद्यालयले जनाएको छ ।

प्रतिक्रिया दिनुहोस्