Logo
१२ असोज २०७७
(Monday 28th September 2020)

इञ्जिनियरको कठालो समात्ने वडा अध्यक्ष केसीलाई कार्बाही गर्न माग



रामेछाप । निजि आवास पुनर्निर्माण रामेछापमा खटिएका सव-इञ्जिनियरमाथि आक्रमण गर्ने वडा अध्यक्षलाई तत्काल कार्बाही गर्न पुनर्निर्माण प्राधिकरण प्राविधिक सञ्जाल रामेछापले माग गरेको छ ।

राष्ट्रिय पुनर्निर्माण प्राधिकरण जिल्ला आयोजना कार्यान्वयन ईकाई भवन रामेछापमा खटिएका सब–इञ्जिनियर हिमाल खड्कामाथि आक्रमण गर्ने सुनापति गाउँपालिका वडा नम्बर २ का वडाअध्यक्ष कमल केसीलाई कार्बाही गर्न माग गरिएको हो । वडा अध्यक्ष केसीले खड्कालाई कठालो समात्दै कुटपिट गरेका थिए ।

प्रमुख जिल्ला अधिकारीलाई ज्ञापनपत्र बुझाउँदै सञ्जालले वडाध्यक्षका कारण काम गर्न अवस्था नरहेको भन्दै सुरक्षाको समेत माग गरेको छ । वडा अध्यक्ष केसीले इञ्जिनियरलाई वडा र गाउँबाटै लखेट्ने चेतावनी दिएको भन्दै सञ्जालले आपत्ति समेत जनाएको छ ।

प्रतिक्रिया दिनुहोस्