भारत र पाकिस्तानविचको बहुप्रतिक्षित खेल आज

दुइ पारस्परिक प्रतिद्धन्दी भारत र पाकिस्तान विच आइसीसी एकदिवयसीय खेलको बहु प्रतिक्षित खेल आइतबार हुदै छ । त्यसो त बिश्वकपमा यो खेलले सबै कुराको निर्णय त गर्ने होइन । तरपनि, विश्वकपको प्रारम्भीक चरणका खेलहरु मध्य यस खेललाई नै विविध अर्थले महत्वपूर्ण मानीएको छ ।
भारत अहिले एकदमै राम्रो लयमा रहेको टोली हो भने पाकिस्तान भने अस्थिर टोली । पहिलो खेलमा न्युजिल्यान्डसंग पराजित पाकिस्तानले दोश्रो खेलमा इंग्ल्यान्डलाई हराउदै पुनरागमनको संकेत दिइसकेको छ । यस प्रसंगमा भारतीय कप्तान विराट कोहलीले आफ्नो धारणा प्रस्ट पारिसकेका छन् । उनले पाकिस्तानलाइ अन्य प्रतिद्धन्दी झै एक प्रतिद्धन्दीकै रुपमा हेरेको र त्यो भन्दा बढी ध्यान दिन जरुरी नभएको बताएका छन् ।
‘ हामीलाई अगाडी बढ्न हरेक खेल त्यत्तिकै महत्वपूर्ण छ । यसकारण यो खेल पनि हाम्रा लागि अरु खेल जस्तै हो, ’ कोहलीले भने । उनले पाकिस्तानी पेस बलर मोहम्मद अमिरको पछिल्लो लयका बारेमा पनि आफ्नो धारणा प्रस्ट पारेका छन् । उनले आफ्नो टोलीको क्षमता अनुसार नै खेल्नु पर्ने र विपक्षीको क्षमतामा ध्यान दिनु ठिक नभएको बताएका छन् । ‘ हाम्रो क्षमता कत्ति छ ? त्यो महत्वपूर्ण हो ,’ उनले भने ।