Logo
१३ असोज २०७७
(Tuesday 29th September 2020)

थापाको एनआरएनएमा उपाध्यक्ष पदमा उम्मेदवारी घोषणा



जापानमा गार्मेन्ट, फुड एन्ड वेभरेज, रियल स्टेट र ज्वेलरी व्यवसायमा सफलता पाएका किरण थापाले आसन्न एनआरएनएको अधिवेशनमा उपाध्यक्षको उम्मेदवारी घोषणा गरेका छन् । काठमाडौं टेलिभिजन डट कम सँगको कुराकानीको क्रममा थापाले समृद्ध नेपाल सुखी नेपाली एजेन्डालाई मुर्त रुप दिन उम्मेदवारी दिने बताए। थापाले अन्तराष्ट्रिय लगानीलाई नेपालमा भित्र्याउदै देशलाई समृद्ध बनाउने योजना बनाएका छन् ।

विगत १४ बर्ष देखि एनआरएनमा आबद्ध उनी एक कार्यकाल सदस्य, दुइ कार्यकाल आईसिसि र एक कार्यकाल डिसिसिको रुपमा जिम्मेवारी निर्वाह गरिसकेका छन् । हाल उनी एसिया प्यासिफिकको क्षेत्रीय संयोजकको रुपमा रहेका छन् । शालिन ब्यक्तित्व थापा विभिन्न संघ संस्थामा उत्तिकै सक्रिय छन् ।

अग्रज एनआरएनएले समेत रुचाईएका थापा एनआरएमा भद्र र कृयाशिल व्यक्तिका रुपमा समेत चिनिन्छन् । नेपालको सामाजिक क्षेत्रमा उनको सक्रिय भुमिका रहदै आएको छ । उनी हाल नेपाल च्याम्बर अफ कमर्सको जापान प्रतिनिधी समेत छन् ।

प्रतिक्रिया दिनुहोस्