Logo
२३ फाल्गुण २०७७
(Sunday 7th March 2021)

अध्यक्ष विदेश भएका कारण आयोगको बैठकको टुंगो छैन



संसदको राज्य व्यवस्था तथा सुशासन समितिले लोक सेवा आयोगले स्थानीय तहका लागि निकालेको विज्ञापन समावेशी नभएको भन्दै स्थगित गर्न दिएको निर्देशनबारे अझ केही समय आयोगमा छलफल नहुने भएको छ । आयोगका अध्यक्ष उमेश मैनाली बिदामा रहेको र सदस्यहरू पनि उपत्यका बाहिर रहेकोले बैठक कहिले बस्छ भन्ने यकिन छैन । आयोगको स्थापना दिवस असार १ मा भएकोले त्यसको आसपासमा बैठक बस्न सक्ने आयोगले जनाएको छ । तर आयोगका अध्यक्ष मैनाली स्वदेश आएपछि मात्रै बैठकबारे तय हुनेछ ।
अध्यक्ष मैनाली श्रीमतीको उपचारको क्रममा भारतमा रहेको तथ ाअनय सदस्यहरु पनि काठमाडौं बाहीर रहेका कारण तत्काल बैठक बस्न नसक्ने जनाइएको छ । आयोगले १५ जेठमा स्थानीय तहका लागि प्राविधिक र अप्राविधिक पदमा ९ हजार एक सय ६१ जना पदपूर्तिका लागि विज्ञापन खुलाएको थियो । सो विज्ञापन समावेशी नभएको भन्दै विरोध भइराखेको छ भने आयोग तथा संघीय मामिला तथा सामान्य प्रशासन मन्त्री लालबाबु पण्डितले संविधान अनुसार नै विज्ञापन आएकोले रद्द नहुने बताउँदै आएका छन् । नौ हजारका लागि खुलाइएको विज्ञापनमा ८५ हजारभन्दा बढीले आवेदन दिइसकेका छन् । अझै एक साता आवेदनका लागि समय भएकोले यो संख्या बढ्ने देखिएको आयोगले जनाएको छ ।
संघीय मामिलाले पाँच सय ५५ स्थानीय तहबाट आएको मागअनुसार पदपूर्तिका लागि आयोगलाई सिफारिस गरेपछि विज्ञापन खुलाइएको थियो ।

प्रतिक्रिया दिनुहोस्