काठमाडौं । राष्ट्रिय अनुसन्धान विभागका पूर्वप्रहरी राजु खरेललाई पुर्पक्षका लागि थुनामा राख्न अदालतले आदेश दिएको छ । घरमा काम गर्ने महिलाकी ७ वर्षीया छोरीलाई बलात्कार गरेको आरोपमा जिल्ला अदालत, काठमाडौंले खरेललाई पुर्पक्षका लागि थुनामा राख्न आदेश दिएको हो ।
अदालतको
आदेशपछि उनलाई केन्द्रीय कारागार, जगन्नाथदेवल चलान गरिएको महानगरीय प्रहरी वृत्त, बानेश्वरका प्रमुख डीएसपी गोविन्दराज काफ्ले बताए ।
खरेल परिवारले आरोप अस्वीकार गरे पनि खरेलले चाहिँ प्रहरीसँगको बयानमा कसुर स्वीकारेका थिए । खरेलविरुद्ध १८ वैशाखमा बालिकाकी आमाले किटानी जाहेरी दिएकी थिइन् ।
काठमाडौँको तिनकुने नजिकै शान्तिनगरमा ७ वर्षिय बालिकालाई फकाएर पटक–पटक बलात्कार गरी फरार रहेका पूर्वप्रहरी राजु खरेल कञ्चनपुरबाट पक्राउ परेका थिए । कञ्चनपुर प्रहरीले कञ्चनपुरको बेलौरीबाट खरेललाई पक्राउ गरेको हो ।
