Logo
१२ असोज २०७७
(Monday 28th September 2020)

बलेफीमा झाडाको प्रकोप



सांकेतीक तस्बिर

सिन्धुपाल्चोक बलेफी गाउँपालिका ५ स्थित विन्जेलमा झाडापखलाको महामारी फैलिएको छ । झाडापखलाका कारण एकै गाउँका ५० भन्दा बढी विरामी भएका छन् । केहीको स्थिति गम्भीर रहेको छ ।

विरामीको खाडिचौरस्थित सिन्धु सदबहार अस्पताल र स्थानीय मेडिकलमा उपचार भइरहेको छ । अस्पतालको एउटै बेडमा तीनजनासम्म विरामी राखेर उपचार भइरहेको छ ।
विरामी हुनेमा विन्जेलको पनि मुलाबारीका धेरै छन् । मुलाबारी भुजेलहरुको बस्ती हो । शुक्रबार गाउँमै भएको बिहेमा गाउँलले भोज खाएका थिए । शुक्रबार स्थानीय गोपीकृष्ण भुजेलको छोरीको विवाह थियो । फुड पोइजन भएका कारण झाडापखलाको प्रकोप फैलिएको उपचारमा संलग्न चिकित्सकले बताएका छन् । सँगै, पानीका कारण महामारी फेलिएको हुनेसक्ने स्थानीय मेडिकलका सञ्चालक रेशम कार्कीले बताए ।
विरामी भएका केहीको स्वास्थ्यमा क्रमिक सुधार भइरहेको छ । केहीको स्थिति गम्भीर छ । गाउँबाट विरामीलाई अस्पताल लैजाने क्रम जारी रहेको छ । गम्भीर विरामीलाई थप उपचारका लागि धुलिखेल र काठमाडौंस्थित टिचिङ अस्पताल पठाइएको छ ।

प्रतिक्रिया दिनुहोस्