Logo
१३ असोज २०७७
(Tuesday 29th September 2020)

विप्लव नेतृत्वको नेकपाका १८ जना पक्राउ




नेपाल प्रहरीले शनिबार राति विप्लव नेतृत्वको नेपाल कम्यूनिस्ट पार्टीका कास्की जिल्ला सेक्रेटरीसहित १८ जनालाई पक्राउ गरेको छ । पक्राउ पर्नेहरूमा ४ महिलासहित १३ पुरूष रहेका छन् । उनीहरूलाइ कास्की, अन्नपूर्ण गाउँपालिका–११ बाट पक्राउ गरिएको हो । सो स्थानमा वैठक भइरहेको सूचना पाएपछि प्रहरीले त्यहाँपुगेर उनीहरूलाई पक्राउ गरेको हो ।
यसरी पक्राउ पर्नेमा पार्टीका कास्की जिल्ला सेक्रेटरी मिलन राई(आक्रोश) समेत रहेका छन् ।पक्राउ परेकाहरूलाई शनिबार राति नै पोखरा ल्याइएको प्रहरीले जनाएको छ । घटनाका बारेमा थप अनुसन्धान भइरहेको जनाइएको छ । उनीहरू त्यहाँको स्थानिय आमा समूहको हलमा बैठक गरिरहेको अवस्थामा पक्राउ परेका हुन् । पक्राउ गर्नुअघि शनिबार दिउँसो नै प्रहरीले उनीहरूलाई घेराउ गरेर राखेको थियो ।

प्रतिक्रिया दिनुहोस्