Logo
१७ असार २०७८
(Thursday 1st July 2021)

छोरी बलत्कार गर्ने बाबुलाई १९ बर्ष कैद



सांकेतीक तस्बिर

छोरी बलात्कार गरेको अभियोग लागेका एकलाई जिल्ला अदालत मकवानपुरले १९ वर्षको कैद फैसला गरेको छ । छोरीलाई बलात्कार गरेको ठहर गर्दै अदालतले बाबुलाई १९ वर्ष कैद गर्ने फैसला गरेको हो । जिल्ला न्यायाधीश खडानन्द तिवारीको इजलाशले हेटौंडा उपमहानगरपालिका–१२ का ३७ वर्षीय बाबुलाई ७५ हजार रुपैयाँ पीडितलाई क्षतिपूर्ति भराउने आदेश पनि गरेको छ ।

अदालतले नाबालिकालाई बलात्कार गरेकोमा ९ वर्ष कैद र हाडनातामा करणी गरेकोमा १० वर्षसहित १९ वर्ष कैद गर्ने फैसला सुनाएको हो ।
१३ वर्षीया बालिकालाई बाबुले पटक पटक बलात्कार गर्नुको साथै यौन दुव्र्यवहार गर्दै आएको पीडितको बयान छ । पछिल्लो पटक बाबुले २०७५ पुस २१ मा बलात्कार गरेका थिए । उक्त घटना बालिकाले छिमेकी महिलालाई भनेपछि घटना सार्वजनिक भएको हो ।
पीडित बालिका र छिमेकीहरुले २२ पुसमा मुद्दा दायर गरेका थिए । प्रहरीले २३ पुसमा बाबुलाई पक्राउ गरेको थियो ।
जिल्ला अदालत मकवानपुरले माघको दोस्रो सातामा पुर्पक्षका लागि क्षेत्रीय कारागार भीमफेदी पठाएको थियो । नाबालिकाको आमाले दोस्रो विवाह गरेर अन्यत्र गएपछि उनलाई बाबुले यौन दुव्र्यवहार र बलात्कार गर्न थालेका थिए ।

प्रतिक्रिया दिनुहोस्