Logo
१३ असोज २०७७
(Tuesday 29th September 2020)

हिमालयन ट्राभल मार्ट सुरु हुदैं




‘हिमालयन ट्राभल मार्ट’को तेस्रो संस्करण बिहिबारदेखि काठमाडौँमा शुरु हुँदैछ । नेपालसहित ४३ मुलुकका पर्यटन व्यवसायीको जमघट रहने पर्यटन क्षेत्रको कुम्भमेलाका रुपमा लिइने मार्टले अन्तरदेशीय पर्यटन प्रवद्र्धन तथा व्यापार विस्तारमा सहयोग पुग्ने अपेक्षा गरिएको छ ।
नेपाललाई हिमालयन प्रवेशद्वारका रुपमा परिचति गराउँदै नेपालको पर्यटन प्रवद्र्धन गर्ने उद्देश्यका साथ आयोजना हुने मार्टको बिहिबार साँझ नै प्रधानमन्त्री केपी शर्मा ओलीले उद्घाटन गर्ने कार्यक्रम रहेको छ ।
सोल्टी क्राउन प्लाजामा २६ जेठसम्म चल्ने मार्टमा ४३ देशका करीब ७०० ले सहभागिता जनाउने मार्ट आयोजक प्यासिफिक एशिया ट्राभल एशोसिएसन (पाटा) निकट श्रातेले जनाएको छ ।
सन् २०१७ देखि वार्षिक कार्यक्रमका रुपमा आयोजना हुँदै आएको मार्ट नेपाललाई अन्तराष्ट्रिय रूपमा चिनाउने सशक्त ब्राण्डका रुपमा विकसित हँुदै गएको छ । संस्कृति पर्यटन तथा नागरिक उड्डयन मन्त्रालय, नेपाल पर्यटन बोर्ड, नेपाल वायुसेवा निगम तथा पाटा इन्टरनेशनलको सहयोगमा पाटा नेपाल च्याप्टरले मार्ट आयोजना गर्न लागेको हो । मार्टअन्तर्गत यस पटक व्यवसायीसँग व्यवसायी (बीटुबी) मार्टमा ३० मुलुकबाट विश्वव्यापी क्रेता कम्पनी र छ मुलुक (नेपाल, भारत, पाकिस्तान, चीन, भूटान र थाइल्याण्ड) बाट ५४ विक्रेता कम्पनी तथा संस्थाले सहभागिता जनाउने पाटा नेपालले जनाएको छ ।

प्रतिक्रिया दिनुहोस्