Logo
२० मंसिर २०७७
(Saturday 5th December 2020)

गिरिस चन्द्र लाल आयोगको प्रतिवेदन गर्न राजपाको ध्यानाकर्षण



राष्ट्रिय जनता पार्टीले लोक सेवा आयोगले आह्वान गरेको विज्ञापनलाई संविधानसम्मत बनाउन र गिरिस चन्द्र लाल आयोगको प्रतिवेदन तत्काल सार्वजनिक गर्न सरकारको ध्यानाकर्षण गराएको छ । प्रतिनिधिसभाको सोमबारको बैठकमा बोल्दै राजपाका सांसद राजकिशोर यादवले संविधानको कार्यान्वयन गर्न र गराउन सरकारको ध्यानाकर्षण गराएका हुन् ।

उनले संविधानमा गरिएको व्यवस्थाविपरीत आयोगले विज्ञापन आह्वान गरिएको आरोप लगाए । उनले राज्य चलाउनेहरूले संविधानलाई मानेको कुरामा प्रश्न उब्जीएको जिकिर गरे । उनले लोक सेवा आयोगले आह्वान गरेको विज्ञापन संविधानको मर्म र भावनाविपरीत भएको टिप्पणी गरे । संविधानविपरीत विज्ञापन आह्वान गर्नुले सरकारको कुनियत देखिएको दाबी उनले गरे ।
सांसद यादवले राष्ट्रलाई दीर्घकालीन रूपमा नोक्सान प¥याउने काम बन्द गर्न सरकारलाई सचेत गराए । उनले सदनको मर्यादा राख्दै गिरिसचन्द्र लाल आयोगको प्रतिवेदन तत्काल सार्वजनिक गर्न माग गरे ।

सभामुख कृष्ण बहादुर महराले सोमबारको बैठक प्रारम्भ भएको जानकारी गराए लगत्तै राजपाका सांसदहरूले उभिएरै विरोध गरेका थिए । त्यसपछि सभामुख महराले सांसद यादवलाई बोल्नका लागि समय दिएका थिए ।

प्रतिक्रिया दिनुहोस्