Logo
१० असोज २०७७
(Saturday 26th September 2020)

विस्फोटमा संलग्न नौ जना पक्राउ



काठमाडौं । काठमाडौको विभिन्न स्थान शनीबार बम विस्फोट भएपछि प्रहरीले विस्फोटमा संलग्न नौ जनालाई पक्राउ गरेको छ । घट्टेकुलोमा रहेको बमलाई अर्को स्थानमा लैजान सहयोग गर्न गएका सात जनालाई सशस्त्र प्रहरीको विशेष टोली र वानेश्वर वृत्तको टोलीले पक्राउ गरेको हो । त्यस्तै थानकोटबाट एक जना र घट्टेकुलोबाट एक जना गरी नौ जना पक्राउ परेको महानगरीय प्रहरी परिसरका प्रवक्ता होविन्द्र बोगटीले जानकारी दिए । पक्राउ पर्नेमा भक्तपुर जिल्ला सेक्रेटरी बुद्धिलाल पुन, बुद्धि सुनुवार, तेजराज काफ्ले, तेजबहादुर मोक्तान, चित्रकमल ओली, राकेश श्रेष्ठ, आशिष तामाङ लगायत रहेका छन् ।

डिएसपी बोगटीका अनुसार कोटेश्वर तथा अन्य स्थानमा कुकर बम राखेर मसाल जुलुशको तयारी गर्दै गरेको अवस्थामा सात जनालाई पक्राउ गरिएको हो । घट्टेकुलोस्थित प्रज्वल शाहीको कोठामा रहेको सिलिण्डर बमलाई उनीहरुले जडीबुटीमा राख्ने योजना बनाएका थिए । प्रहरीका अनुसार काठमाडौ भित्रने नाकामा बम विस्फोट गराउने योजना रहेको थियो । सोही अनुसार उनीहरुले चक्रपथस्थित धुम्बाराही, चावहिल, जडीबुटी, नयाँ बसपार्क, सातदोबाटो, लगनखेल, बल्खु, कलंकी र थानकोटलाई मूख्य निशाना बनाएका थिए । प्रहरीले जनाए अनुसार सोमबार विहान उपत्यकाभित्रको अवस्था समान्य रहेको छ ।

प्रतिक्रिया दिनुहोस्