Logo
१२ असोज २०७७
(Monday 28th September 2020)

सवारी दुर्घटना हुँदा ३ जनाको मृत्यु, ५ जना घाइते



काठमाडौं । गएराति सवारी दुर्घटना हुँदा ३ जनाको मृत्यु भएको छ भने ५ जना घाइते भएका छन् ।

धरान उपमहानगरपालिका–८ पानीट्यांकीमा गएराति ११ बजे अनियन्त्रित बा २० च ४०७६ नं को कार र को १ ख ६७६१ नम्बरको यात्रुवाहक बस एक आपसमा ठोक्किएर भएको दुर्घटनामा ३ जनाको मृत्यु भएको प्रहरीले जनाएको छ ।


दुर्घटनामा अनील श्रेष्ठ, जनक बुढाथोकी र मदन लिम्बुको मृत्यु भएको छ । श्रेष्ठ इटहरी ४ का हुन् भने बुढाथोकी धनकुटाका हुन् । लिम्बुको भने ठेगाना खुलेको छैन । मृतक तीनै जना कारमा थिए ।

इटहरीतर्फ जाँदै गरेको कार ट्याक्टरमा ठोक्किएर अनियन्त्रित हुँदै बसमा ठोक्किँदा ५ जना घाइते भएको डीएसपी फुयालले जानकारी दिए । घाइतेको अहिले नर्सिङ होम विराटनगरमा उपचार भइरहेको छ ।

प्रतिक्रिया दिनुहोस्