काठमाडौं । वैदेशिक रोजगार विभागको महानिर्देशकको जिम्मेवारी भीष्मकुमार भुसालले पाएका छन्। श्रम रोजगार तथा सामाजिक सुरक्षा मन्त्री गोकर्ण बिष्टले भुसाललाई महानिर्देशकको जिम्मेवारी दिने निर्णय गरेका हुन् ।
नवनियुक्त महानिर्देशक भुसालले वैदेशिक रोजगारलाई मर्यादित, वैदेशिक रोजगार विभागलाई सम्मानित र गौरवमय संस्थाको रुपमा स्थापित गर्न सबैलाई आग्रह गरेका छन्।
आफूसामु ठूलो चुनौती र अवसर आएको भन्दै उनले वैदेशिक रोजगारीमा गाँजिएको विकृतको अन्त्यका लागि कुनै कसर बाँकी नराख्ने दाबी गरे ।
भुसाल यसअघि वीरगन्ज महानगरपालिकाको प्रमुख प्रशासकिय अधिकृतका रुपमा कार्यरत थिए। उनले पुनःनिर्माण प्राधिकरणमा समेत काम गरिसकेका
छन्।
विभागको यसअघिको महानिर्देशक दिलिप कुमार चापागाईं थिए।
